IT KamSan

Thursday, October 19, 2017

ចង់ដឹងទូរសព្ទ័របស់អ្នកខ្លាំងប៉ុណ្ណា សាកល្បងកម្មវិធីតេសល្បឿនដ៍ពេញនិយមនេះ

October 19, 2017

កម្មវិធីតេសសម្ថភាព និងកម្លាំងម៉ាស៊ីនទូរសព្ទ័ដ៏ពេញនិយមមួយ និងអាចអោយលោកអ្នកដឹង ពីចំណាត់ និងសម្ថភាពទូរសព្ទរបស់អ្នកយ៉ាងងាយស្រួល ដែរកម្មវិធីនោះមានឈ្មោះថា”AnTuTu Benchmark” កម្មវិធីនេះត្រូវបានគេប្រើ និងពេញនិយមបំផុតសម្រាប់ធ្វើការតេសសម្ថភាពទូរសព្ទ័។

AnTuTu Benchmark និងធ្វើការតេសនូវលក្ខណ:សំខាន់ៗដែរមាននៅក្នុង ទូរសព្ទ័ដៃរបស់លោកអ្នក ដែរមានដូចជា៖ 3D , UX , CPU , RAM និងប្រពន្ធ័ប្រតិបត្ដិសំខាន់ៗជាច្រើនទៀត។ ចំពោះកម្មវិធីនេះវិញ AnTuTu Benchmark លោកអ្នកទាញយកបានដោយឥតគិតថ្លៃពី App Store (iPhone ) និង PlayStore (Android) តាមរយ៖ Link ខាងក្រោមនេះ៖

ប្រភព៖ www.apageplus.com

មកដឹងពីចំណូលអ្នកធ្វើ Instant Article នៅកម្ពុជា អាចរកបានពី Facebook

October 19, 2017

Facebook Instant Article ជាវិធីសាស្ត្ររកលុយដ៏ពេញនិយមមួយសម្រាប់អ្នកប្រើប្រាស់ Facebook ជាច្រើន ដោយ Facebook បានបើកដំណើរការមុខងារនេះកាលពីខែមេសាឆ្នាំទៅ សម្រាប់អ្នកចេញផ្សាយព័ត៌មាន (Publisher)ទាំងឡាយ។ ជាមួយ Instant Article នេះ Publisher អាចធ្វើឲ្យអត្ថបទលើវិបសាយរបស់ខ្លួនបើកចេញមកបានកាន់តែលឿននៅលើ Facebook។ ថ្ងៃនេះ Sabay នឹងបង្ហាញអំពីកម្រៃដែល Publisher អាចរកបានពី Facebook Instant Article។

ក្នុងតារាងដែលបង្ហាញពីប្រាក់ចំណូលនៃ Instant Article មានចំនួន ៧ ចំណុចធំៗ ៖ Requests, Filled, Impressions, Clicks, Fill Rate, CTR, eCPM និង Est. Rev។ ចំណុចដែលសំខាន់បំផុតក្នុងចំណោម ៧ នេះគឺ Impressions (ជាចំនួន Ads ដែលអ្នកចុចមើល IA បានឃើញ), eCPM (កម្រៃអាចទទួលបានពី Impressions ចំនួន ១០០០) និង Est. Rev (ជាចំណូលប៉ាន់ស្មានសរុបប្រចាំថ្ងៃ) ។

គួរបញ្ជាក់ថាចំនួន Impressions ជាចំនួន Ads ដែលអ្នកចុចចូលមើល Instant Article បានឃើញ ហើយដើម្បីទទួលបាន Impressions ច្រើន លុះត្រាតែ Instant Article មួយមានចំនួនអ្នកចុចចូលមើលច្រើន។

ចំពោះ eCPM វិញអាចទទួលបានតិច ឬ ច្រើនផ្អែកទៅតាមប្រទេសនីមួយៗនៃអ្នកដែលចុចមើល IA ដោយសម្រាប់ eCPM ដែលមានប្រភពពីប្រទេសកម្ពុជាមានអត្រាកម្រៃជាមធ្យម ០,២៣ ដុល្លារ ឬ អាចខ្ពស់ជាងនេះបន្តិច។ ចំណែក eCPM ដែលមានប្រភពពីប្រទេសដទៃមានអត្រាកម្រៃផ្សេងគ្នាដូចជា ប្រទេសថៃ ០,៧៣ ដុល្លារ កូរ៉េខាងត្បូង ២,៧៩ ដុល្លារ និង សហរដ្ឋអាមេរិក ៤ ដុល្លារ ជាដើម។

សម្រាប់ Est. Rev វិញអាចទទួលបានច្រើនអាស្រ័យលើចំនួន Impressions។ ឧទាហរណ៍ថា ៖ Impressions មានចំនួន ៤០០ ០០០ (Ads ដែលស្ថិតលើ IA របស់អ្នកមានអ្នកមើល ៤០០ ០០០ ដង) ហើយមាន eCPM កម្រិត ០,២៣ ដុល្លារ នោះ Est. Rev នឹងទទួលបាន ៩២ ដុល្លារ ។ គណនាដោយយក ៤០០ ០០០ ចែក ១០០០ គុណនឹង ០,២៣ ព្រោះ ១ ០០០ Impressions ទើបបាន eCPM ១ ។

តាមការបង្ហាញខាងលើនេះប្រិយមិត្តដែលមានបំណងចង់ចាប់ផ្ដើមរកលុយតាម Instant Article របស់ Facebook អាចនឹងដឹងបានខ្លះៗពីកម្រៃដែលអ្នកអាចនឹងទទួលបាន។ បញ្ជាក់ដែរថាគិតត្រឹមខែមិថុនា ឆ្នាំ ២០១៧ នេះ Instant Article បានចែកចំណូល ១ លានដុល្លារ ជារៀងរាល់ថ្ងៃដល់ Publisher ទាំងឡាយ៕
ប្រភពពី៖News.sabay.com.kh

ក្រុមហ៊ុន MSI នាំមកនូវ Promotion ពិសេសសម្រាប់បវេសនកាលថ្មី ចាប់ពីថ្ងៃទី 10 ខែកញ្ញា រហូតដល់ 20 ខែតុលានៅក្នុងប្រទេសកម្ពុជា!

October 19, 2017

ដើម្បីជាការចូលរួមអបអរសំរាប់ឱកាសនៃបើកបវេសនកាលនៃសំរាប់សិស្ស និស្សិតនៅក្នុងប្រទេសកម្ពុជាចាប់ផ្តើមការសិក្សារឆ្នាំថ្មី ក្រុមហ៊ុន MSI ដែលជាក្រុមហ៊ុន កុំព្យូទ័រដ៏ធំ បានប្រកាសនាំមកនូវ Promotion ពិសេសសម្រាប់បវេសនកាលថ្មី ចាប់ពីថ្ងៃទី 10 ខែកញ្ញានេះ រហូតដល់ 20 ខែតុលា ឆ្នាំ 2017 ខាងមុខ។ ក្រុមហ៊ុន បានបញ្ជាក់ថា នេះជាឳកាសពិសេសដែលលោកអ្នកអាចទិញបានជាមួយនិង Promotion នេះ! នៅក្នុងអំឡុងពេលនេះ សិស្ស និស្សិត នឹងទទួលបានកាដូរភ្ជាប់ជាមួយដោយគ្រាន់តែទិញ MSI Laptop GT, GS, GE, GP, និង GL ស៊េរី។ កាដូរទាំងនោះរួមមាន Backpack, Gaming Mouse, Gaming Headset, Mouse Pad…។ល។

ក្រុមហ៊ុន MSI បានបន្ថែមថា MSI Laptop ផ្តោតខ្លាំងទៅលើ ល្បឿនដំណើរការ កម្រិតនៃភាពច្បាស់ គុណភាពសម្លេង ការគ្រប់គ្រង និងការភ្ជាប់អ៊ីនធឺណេតដោយមិនមានការរអាក់រអួល។ ហើយពួកវាក៏បានឆ្លងកាត់ការធ្វើតេស្តសាកល្បងយ៉ាង តឹងតែងរហូតដល់ទៅ ១៩០០ដង ដើម្បីធានាបាននូវគុណភាពខ្ពស់។ ក្រុមហ៊ុន MSI ផ្តល់ជូនផលិតផល ដល់អតិថិជនជាមួយនិងតម្រូវការផ្សេងគ្នា។ ម៉ូដែល GT សម្រាប់ អ្នកលេងហ្គេមអាជីព ម៉ូដែល GS សម្រាប់អ្នកដែលត្រូវការរាងស្តើង និងងាយយកតាមខ្លួន GE សម្រាប់អ្នកត្រូវការកុំព្យូទ័រដែលមាន ឥទ្ធិពល GP និង GL ដំណើរការលឿន គ្រប់ម៉ូដែល ទាំងអស់មានតម្លៃសមរម្យ វាជាជម្រើសដ៏ល្អ សម្រាប់អតិថិជន ។ លោកអ្នកអាចរកទិញបាននៅគ្រប់ហាងដែលទទួលសិទ្ធចែកចាយផលិតផល MSI នៅក្នុងប្រទេស កម្ពុជា។ បង្ហាញនូវស្តាយ៍របស់លោកអ្នកដោយគ្រាន់តែចូលរួមជាមួយកម្មវិធី Promotion របស់យើង។ បើសិនជាលោកអ្នកត្រូវការពណ៌មានលម្អិតសូមចុចទៅកាន Facebook របស់យើងខាងក្រោម។

Wednesday, October 18, 2017

ចង់បង្កើត Videos ក្នុងទូរសព្ទមែនទេ…? សកល្បងកម្មវិធីនេះមើល ម៉ាេអម មាននៅលើ iPhone និង Android

October 18, 2017

Funimate Video Effect Editor” ជាកម្មវិធីកាត់តនិងកែវីដេអូលើទូរសព្ទថ្មីសន្លាងដែលទើបដាក់នៅលើ App Store។ ថ្មីៗ ហើយថែមទាំងដោនឡូតមិនអស់លុយទៀតផង។

នមុខងារជាច្រើនមិនចាញ់រៀមច្បង iMovie, PowerDirector ឬ Adobe Premiere Clip ដែលមានលើ iPhone ប៉ុន្មានទេ ប៉ុន្តែក៏មានខ្វះខាតចំណុចខ្លះៗដែរ។ ទោះយ៉ាងណា កម្មវិធីកំពុងល្បីមួយនេះបានឈរតំណែងលេខមួយលើ App Store ជាង ១០០ ប្រទេស និងមានអ្នកប្រើជាង ៥ លាននាក់ត្រឹមតែបីថ្ងៃប៉ុណ្ណោះ។

“Funimate Video Effect Editor” អាចឲ្យប្រិយមិត្តអាចបង្កើតវីដេអូខ្លីៗទាក់ទាញសម្រាប់ផុសលើ Facebook ឬ Instagram ជាដើមជាមួយនឹងការបន្ថែមសាច់ភ្លេងដែលអ្នកពេញចិត្តបានយ៉ាងស្រួល៕
ចង់ចេះរបៀបប្រើកម្មវិធីថ្មីនេះ ចុចដោនឡូតនៅទីនេះ Android | iOS

វិធីបិទកុំឲ្យក្មេងៗលួចបើក YouTube ទោះបីមានអ៊ីនធឺណិត

October 18, 2017

មាតាបិតាភាគច្រើន មានការខ្វាយខ្វល់ នៅពេលដែលទុកស្មាតហ្វូនឬថេបប្លែតជាមួយក្មេងៗ។ ពេលខ្លះ កូនៗរបស់ពួកគេអាចបើកមើល YouTube ចោល ដោយមិនបានគិតត្រូវចំណាយលុយអ៊ីនធឺណិតច្រើនដល់កម្រិតណា។

អាចសាកល្បងវិធីនេះបាន បើចង់បិទមិនឲ្យ YouTube ដំណើរការ ទាំងពេលបើកអ៊ីនធឺណិតស៊ីមឬ WiFi។

១.ចូលទៅកាន់កម្មវិធី YouTube > ចុចត្រង់កន្លែង Library នៅខាងក្រោម

២.ចុចលើ Profile នៃគណនី YouTube របស់យើង > ចុចលើពាក្យ Settings

៣.អូសមកក្រោម ធ្វើការ Turn On លើមុខងារ Offline Mode

#ករណីបើចង់ឲ្យដំណើរការធម្មតាវិញ ចុច Turn Off ជាការស្រេច។

បច្ចុប្បន្នក្រុមហ៊ុន Avast ដែលបានទិញយក Piriform អ្នកបង្កើត CCleaner បានប្រកាសថាពួកគេកំពុងសហការជាមួយអាជ្ញាធរក្នុងការកំណត់ពីទំហំនៃផលប៉ះពាល់ និងអ្នកដែលនៅពីក្រោយវា។ នេះបើយោងតាមសារព័ត៌មាន USA Today បានចុះផ្សាយ៕ ប្រភពពី៖sabay

October 18, 2017

ទិន្នន័យចុងក្រោយចេញពី StatCounter បង្ហាញថា អ្នកប្រើប្រាស់កម្មវិធីអ៊ីនធឺណិត ៥៥ ភាគរយ បានជ្រើសរើស Chrome ខណៈលេខ ២ បានទៅ Safari មាន ១៥ ភាគរយ។ ចំណែក Browser ផ្សេងទៀតមានអ្នកប្រើប្រាស់មិនដល់ ១០ ភាគរយឡើយ។យ៉ាងណាកាលពីពេលថ្មីៗនេះ Mozilla បានបង្ហាញនូវ Browser Quantum ជំនាន់ Beta ដែលមានល្បឿនលឿនជាង Firefox ជំនាន់មុនទ្វេដង និងសន្សំសំចៃថាមពលថ្មបានល្អជាង Chrome ដល់ ៣០ ភាគរយ។

ក្នុងវីដេអូប្រៀបធៀបមួយ តាមរយៈការសាកល្បងដំណើរការចូលគេហទំព័រធំៗជាច្រើន ឃើញ Firefox Quantum អាចធ្វើបានរហ័សជាង Google Chrome។

ជុំវិញរឿងរ៉ាវនេះ Mozilla បានធ្វើការពន្យល់លើប្លុកខ្លួនថា “កន្លងមក Firefox ធ្លាប់តែដំណើរការលើ CPU 1 Core ប៉ុន្តែ Firefox Quantum បង្កើតឡើងសម្រាប់ផ្តល់អត្ថប្រយោជន៍ដល់ពពួកឧបករណ៍ CPU ច្រើន Core មានទាំងលើកុំព្យូទ័រនិងទូរសព្ទ”។

អ្នកអាចសាកល្បងប្រើជំនាន់ Beta នៃ Firefox Quantum បានដោយចុចទាញយកសម្រាប់ Desktop, Android និង iOS ឬរង់ចាំដល់កំណែពេញលេញដាក់ឲ្យទាញយកផ្លូវការនៅ**ថ្ងៃទី ១៤ វិច្ឆិកា**ផ្ទាល់តែម្ដង។

ស៊យធំហើយ! អ្នកប្រើ CCleaner ប្រញាប់ Update Version ជាបន្ទាន់

October 18, 2017

ក្រុម Hacker ត្រូវបានគេដឹងថាមានលួចបង្កប់មេរោគក្នុង CCleaner ដែលជាកម្មវិធីដ៏ពេញនិយមមួយ ប្រើដើម្បីសម្អាត Cookies និង Junk File ចេញពីបណ្ដាកុំព្យូទ័រ។ អ្នកប្រើ CCleaner ត្រូវបានដាស់តឿនដោយអ្នកបង្កើតកម្មវិធីផ្ទាល់ឲ្យរហ័ស Update ជំនាន់នៃកម្មវិធីដែលខ្លួនកំពុងប្រើទៅកាន់ជំនាន់ខ្ពស់បំផុត។

មេរោគនេះជ្រៀតចូលប្រមាណបួនសប្ដាហ៍ មុនពេលដែលត្រូវបានរកឃើញដោយក្រុមហ៊ុនប្រព័ន្ធសុវត្ថិភាពផ្សេងទៀតចំនួន ២ រួមមាន Morphisec និង Cisco’s Talos។ នាខណៈនោះ គេបានឲ្យដឹងថា មានអ្នកប្រើប្រាស់ ២,២៧ លាននាក់ ដែលរងការវាយប្រហារពីមេរោគឆ្លងកាត់តាម CCleaner។ ទន្ទឹមនឹងកន្លងមក CCleaner មានការទាញយកសរុបជាង ២ ពាន់លានដងមកហើយ ក្រុមហ៊ុនក៏បានបញ្ជាក់សម្រាប់ជំនាន់ 5.33.6162 ជាជំនាន់គ្រោះថ្នាក់ ដែលទើបតែលុបចេញ ហើយបន្ថែមនូវជំនាន់ថ្មី 5.34 ឬខ្ពស់ជាងនេះឲ្យអ្នករាល់គ្នាទាញយកជំនួសវិញ។

បច្ចុប្បន្នក្រុមហ៊ុន Avast ដែលបានទិញយក Piriform អ្នកបង្កើត CCleaner បានប្រកាសថាពួកគេកំពុងសហការជាមួយអាជ្ញាធរក្នុងការកំណត់ពីទំហំនៃផលប៉ះពាល់ និងអ្នកដែលនៅពីក្រោយវា។ នេះបើយោងតាមសារព័ត៌មាន USA Today បានចុះផ្សាយ៕
ប្រភពពី៖sabay

Sony XZ Premium គឺជាស្មាតហ្វូនស៊េរីថ្មីដែលសក្តិសមបំផុតជាមួយនិង Smart ពីព្រោះថា វាអាចដោនឡូតបានក្នុងល្បឿន 750Mbps

October 18, 2017

ស្មាតហ្វូនស៊េរីថ្មី XZ Premium ដែលមានសមត្ថភាពក្នុងការទ្រទ្រង់នូវកម្រិតភាពច្បាស់ 4K HDR ដែលបង្ហាញខ្លួនកាលពីដើមឆ្នាំនៅក្នុងព្រឹត្តិការណ៍តាំងពិពរណ៍ MWC 2017។ អេក្រង់របស់ស្មាតហ្វូននេះពិតជាអស្ចារ្យគួរអោយភ្ញាក់ផ្អើលជាមួយនឹងបច្ចេកវិទ្យា HDR ហើយជាពិសេសស្មាតហ្វូននេះ ថែមទាំងដំណើរការលឿនខ្លាំងបំផុតនៅលើបណ្តាញដែលជួយលោកអ្នកក្នុងការ ដោនឡូត និងការទស្សនាវីដេអូបានលឿនគ្មានភាពរអាក់រអួលនោះទេ។ ក្រុមវិស្វករជាច្រើន បានយល់ដឹងច្បាស់អំពីសមត្ថភាពរបស់ស្មាតហ្វូនស៊េរីថ្មី XZ Premium ដែលដំណើរការមុខងារ Gigabit LTE ជាមួយនឹងប្រព័ន្ធ Snapdragon X16 LTE modem ដំណើរការជាមួយនឹងបន្ទះឈីប Snapdragon 835 Mobile Platform។

Gigabit LTE គឺជាជំហានដ៏សំខាន់មួយក្នុងការវិវត្តន៍ពីបច្ចេកវិទ្យា 4G ទៅកាន់ 5G ។ បច្ចេកវិទ្យានេះ ជម្រុញទៅលើល្បឿននៃការដោនឡូត និងល្បឿននៃការដំណើរការលឿនទៅលើកម្រិតបណ្តាញ Network ខ្ពស់សម្រាប់អ្នកប្រើប្រាស់ជាច្រើនថែមទៀត។ ឥឡូវនេះ ប្រតិបត្តិករជាច្រើន បាននិងកំពុងតែបញ្ចេញនូវប្រព័ន្ធ Gigabit LTE នៅជុំវិញពិភពលោក។ នៅក្នុងចក្រភពអង់គ្លេស EE គឺជាក្រុមហ៊ុនបណ្តាញមួយដំបូងបំផុត ដែលទ្រទ្រង់នូវស្តង់ដារថ្មីមួយនេះ។

នៅពេលដែលវាផ្តល់សម្រាប់ពហុកីឡាដ្ឋាន Wembley Stadium នៅក្នុងទីក្រុងឡុងដ៍ សម្រាប់ការការតេស្តសាកល្បងពិតប្រាកដទៅលើបណ្តាញនេះ។ នៅក្នុងការធ្វើតេស្តទៅលើល្បឿននេះ ស្មាតហ្វូនដែលអាចធ្វើរឿងនេះគឺត្រូវធ្វើតាមរយៈ ការ Stream យកនូវ 4K HDR content ចេញពី Amazon Prime។ ការទាញយកនូវឯកសារមួយចំនួនធំចេញពី Google Drive ការដោនឡូតនូវតន្រ្តីដែលមានកម្រិតគុណភាពខ្ពស់នៅក្នុង Offline។ តាមការបង្ហាញ គឺល្បឿននៃការដោនឡូតគឺ 750Mbps ចំណែកល្បឿននៃការអាប់ឡូតគឺ 110Mbps។

នៅក្នុងប្រទេសសិង្ហបុរី ល្បឿនលឿនបំផុតនៃបណ្តាញរបស់ពួកគេគឺ 55Mbps។ យើងចាប់យកសម្តីរបស់លោក Roberto Di Pietro អនុប្រធានផ្នែកអភិវឌ្ឍអាជីវកម្មរបស់ក្រុមហ៊ុន Qualcomm Europe Inc ថា “Gigabit LTE មិនគ្រាន់តែសម្រាប់ការដោនឡូតទិន្នន័យនោះទេ ប៉ុន្តែវាពិតជាសំខាន់ខ្លាំងណាស់សម្រាប់តម្រូវការរបស់អ្នកប្រើប្រាស់ក្នុងពេលបច្ចុប្បន្ន ហើយវាក៏ជាការបោះជំហានតំបូងបំផុតទៅកាន់បណ្តាញ 5G ផងដែរ។ គួរបញ្ជាក់ថា កាលពីម្សិលមិញនេះ ក្រុមហ៊ុន Smart Axiata ដែលជាបណ្តាញទូរស័ព្ទដ៏ល្បីនៅកម្ពុជា ក៏ទើបតែបានសម្ពោធជាផ្លូវការនូវបច្ចេកវិទ្យា 4.5G ទៅកាន់ 5G សំរាប់អតិថិជនផងដែរ ហេតុដូច្នេះ យើងខ្ញុំគិតថា Sony XZ Premium គឺជាស្មាតហ្វូនស៊េរីថ្មីដែលសក្តិសមបំផុតទៅនិងការប្រើប្រាស់ជាមួយនិងក្រុមហ៊ុប Smart Axiata៕

ងាយៗរបៀបបង្កើត ហ្គេម (Games) និងរកលុយជាមួយ Android មិនចាំបាច់ចេះកូដ

October 18, 2017

ថ្ងៃនេះយើងសូមណែនាំ អ្នកទាំងអស់គ្នាអំពីរបៀបបង្កើត នូវកម្មវិធី និងហ្គេម(Games)សម្រាប់ Android ងាយៗ ដោយមិនចាំបាច់ចេះសរសេរកូដ និងអាចររកប្រាក់ចំណូលបានទៀតផង។ ជាទូទៅសម្រាប់អ្នក ដែរចង់បង្កើត កម្មវិធីឬហ្គេម សម្រាប់ប្រពន្ធ័ប្រតិបត្ដអ្វីមួយអ្នក ចាំបាច់ត្រូវចេះសរសេរកូដ និងប្រើប្រាស់កម្មវិធី ។ប៉ុន្ដែថ្ងៃនេះ យើងនឹងណែនាំអ្នកទាំងអស់គ្នា អាចបង្កើតកម្មវិធី ឬហ្គេម សម្រាប់ Android ជាមួយវេបសាយដ៏ងាយស្រួលបំផុត និងលឿនបំផុត ។

នៅក្នុងវេបសាយនេះដែរលោកអ្នកមិនត្រឹមតែអាចបង្កើត ហ្គេមតែប៉ុណ្ណោះទេ មានកម្មវិធីជាច្រើនដែរ ដែរអាចអោយលោកអ្នក ធ្វើការបង្កើតយ៉ាងងាយស្រួលបំផុត ដែរលោកអ្នកមិនចាំបាច់ចេះកូដ បន្ដិច។

iPhone 8 នឹងមានរូបរាងថ្មី អមដោយកញ្ចក់ការពារមុខក្រោយនិងមានវ័ន្តព័ទ្ធជុំវិញដោយលោហៈធាតុ

October 18, 2017

ពីមួយជំនាន់ទៅមួយជំនាន់ iPhone តែងតែផ្លាស់ប្ដូរ រូបរាងថ្មី ដែលផ្លោះពីលេខ មួយទៅ លេខមួយ ដូចពី 5/5s មក 6/6s ហើយទៅ 7/7Plus ជាដើម ហេតុនេះការ រំពឹងទុកសម្រាប់ កំពូលស្មាតហ្វូន iPhone 8 នឹងកាន់តែ មានភាពអស្ចារ្យ និងលេចធ្លោ ថែមមួយ កម្រិតទៀត។ ជាក់ស្ដែងដូច ថ្ងៃនេះអញ្ចឹង ប្រភពពត៌មាន ពីគេហទំព័រ តៃវ៉ាន់ Digitimes បានចេញផ្សាយ ឲ្យដឹងថា iPhone 8 នឹងកែប្រែរូបរាង យ៉ាងថ្មីស្រឡាង ដោយស្រោបខ្លួន ការពារទៅដោយ កញ្ចក់ទាំង ខាងមុខ និងខាងក្រោយ និងការពារព័ទ្ធ ជុំវិញដោយ លោហៈធាតុប្រណិត មិនមែនមាន តួខ្លួនស្រោបឡើង ដោយលោហៈ ដូចជំនាន់ iPhone 5 រហូតដល់ 7/7 Plus ទៀតនោះទេ។

គ្រាន់តែនិយាយភ្លាមប្រិយមិត្តអ្នកអាចអាចនឹងស្រម៉ៃគិតទៅដល់ រូបរាង iPhone 4 និង 4s ជាក់ជាមិនខាន ដោយ Apple បានប្រើប្រាស់ កញ្ចក់ការពារ ទាំងនៅផ្នែក ខាងមុខ និងផ្នែក ខាងក្រោយ ដោយមែនវ័ន្ត ជុំវិញជា សារធាតុលោហៈ។ ការវិលត្រឡប់ ទៅរករូបរាង រចនាបថស្រដៀង ទៅនឹង iPhone ជំនាន់មុន យើង ជឿថា Apple មិនមែនគ្មានគំនិត ក្នុងការច្នៃប្រឌិត រូបរាងថ្មីសម្រាប់ កំពូលស្មាតហ្វូន របស់ខ្លួននោះទេ តែវាអាច ជាយុទ្ធសាស្ត្រថ្មី ក្នុងការបន្ថែម មុខងារថ្មីៗមួយ ចំនួនទៅលើ iPhone របស់ខ្លួន ពិសេសមុខងារ សាកថ្មគ្មាន ខ្សែជាដើម ដោយវាអាច បញ្ជូនចរន្តសេវា បានរហ័សជាង នៅលើកញ្ចក់ ខណៈលោហៈធាតុ មានបញ្ហា យឺតយ៉ាវ។ ជាងនេះទៅទៀត មុខងារ របស់ប៊ូតុង Home នឹងអាចត្រូវបាន បញ្ជាតាមរយៈអេក្រង់ ផ្ទាល់ផងដែរ ក៏ប៉ុន្តែមុខងារ អាវក្រោះ ការពារទឹក អាចនឹងរក្សា នៅដដែល ឬយ៉ាងណានោះ ប្រភពពត៌មាន ពុំបានបញ្ជាក់ ប្រាប់ឲ្យ ដឹងនោះទេ ព្រោះថាការផ្លាស់ប្ដូរ ពីលោហៈទៅកញ្ចក់ វាមិនមែន ជារឿងងាយស្រួល ក្នុងការ ការពារពីទឹក និងធូលីឡើយ ដូច្នេះយើងនឹង រង់ចាំមើល ទាំងអស់គ្នា។

ខេមបូរីផតសូមបញ្ជាក់ផងដែរថា នេះគ្រាន់តែជាប្រភពពត៌មាន ដែលចេញមក ពីតៃវ៉ាន់ ប៉ុណ្ណោះ ហើយយើង ក៏មិនទាន់ឃើញ មានអំណះអំណាង អ្វីច្បាស់ការ នៅឡើយដែរ ដែលអាចឲ្យ យើងធ្វើការ សន្និដ្ឋានបានថា iPhone 8 ពិតជាការពារ ដោយកញ្ចក់ មុខក្រោយ និងការពារ ដោយលោហៈ ជុំវិញនោះទេ ហេតុដូច្នេះហើយ យើងមានតែ រង់ចាំមើលជា បន្តបន្ទាប់ទៀត ជុំវិញពាក្យ ចចាមអារ៉ាម នានារបស់ iPhone 8 ដែលត្រៀម ចេញនៅឆ្នាំ 2018 ខាងមុខ។

Galaxy Note 8

October 18, 2017

ដំបូង អ្នកប្រើប្រាស់គ្រប់គ្នា គិតថា ទាល់តែកាមេរ៉ាក្រោយរបស់ស្មាតហ្វូន ដែលមានចំនួន 2 គ្រាប់ ទើបអាចថត ជាមួយមុខងារ Portrait Mode ជាលក្ខណៈថតព្រាលដាច់ផ្ទៃ ខាងក្រោយ តែ Google Pixel 2 បង្ហាញបង្ហាញពីការពិត ពីស្មាតហ្វូន ដែលមានកាមេរ៉ា មួយគ្រាប់ ក៏អាចថតព្រាល ដាច់ផ្ទៃខាងក្រោយនេះ បានស្អាតផងដែរ។

Samsung បានចាប់យកមុខងារ Portrait Mode ដាក់លើ Galaxy Note 8 ដំបូង ហើយមាន ដំណឹងថ្មី ដែលទទួលបានថា កំណែអាប់ដេតជំនាន់ ក្រោយ សម្រាប់ Galaxy S8 និង Galaxy S8 Plus អាចនឹងទទួលបាន មុខងារនេះ ថតព្រាលដាច់ផ្ទៃខាងក្រោយ នេះដែរ ទោះបីជាស្មាតហ្វូននេះ មានកាមេរ៉ាក្រោយតែមួយ គ្រាប់ក៏ដោយ គឺប្រហែល ជាគេមាន មុខងារពិសេស អាចប្រើបាន ដូចលើ Google Pixel 2 ដែរ។ Samsung មិនបានប្រកាស ជាផ្លូវការទេ តែមានអំណះអំណាង និងភស្តុតាង មួយចំនួន ដែលគេ ប្រទះឃើញថា កំណែអាប់ដេតលើ ស្មាតហ្វូនត្រកូល S ទាំង 2 អាចនឹងទទួលបាន មុខងារ Portrait Mode ក្នុងពេលឆាប់ៗខាងមុខ។

សម្រាប់ថ្ងៃបរិច្ឆេទទទួលបាននូវកំណែអាប់ដេតជំនាន់ក្រោយនេះ ក៏មិនទាន់បានដឹងថាថ្ងៃណាដែរ ហើយបានទៅលើ តំបន់ណាខ្លះ មុនដែរ ដូចនេះ មិត្តអ្នកអាន ដែលកំពុងប្រើប្រាស់ ស្មាតហ្វូនទាំង 2 ម៉ូឌែលនេះ អាចចាំបាន ទាំងសម្រួល នៅពេលដែល កំណែអាប់ដេត ទៅដល់ អ្នកនឹងឃើញរបា ជូនដំណឹងដល់ ស្មាតហ្វូន របស់អ្នក។

IT KamSan

Thursday, October 19, 2017

ចង់ដឹងទូរសព្ទ័របស់អ្នកខ្លាំងប៉ុណ្ណា សាកល្បងកម្មវិធីតេសល្បឿនដ៍ពេញនិយមនេះ

មកដឹងពីចំណូលអ្នកធ្វើ Instant Article នៅកម្ពុជា អាចរកបានពី Facebook

Wednesday, October 18, 2017

ចង់បង្កើត Videos ក្នុងទូរសព្ទមែនទេ…? សកល្បងកម្មវិធីនេះមើល ម៉ាេអម មាននៅលើ iPhone និង Android

វិធីបិទកុំឲ្យក្មេងៗលួចបើក YouTube ទោះបីមានអ៊ីនធឺណិត

ស៊យធំហើយ! អ្នកប្រើ CCleaner ប្រញាប់ Update Version ជាបន្ទាន់

Sony XZ Premium គឺជាស្មាតហ្វូនស៊េរីថ្មីដែលសក្តិសមបំផុតជាមួយនិង Smart ពីព្រោះថា វាអាចដោនឡូតបានក្នុងល្បឿន 750Mbps

ងាយៗរបៀបបង្កើត ហ្គេម (Games) និងរកលុយជាមួយ Android មិនចាំបាច់ចេះកូដ

iPhone 8 នឹងមានរូបរាងថ្មី អមដោយកញ្ចក់ការពារមុខក្រោយនិងមានវ័ន្តព័ទ្ធជុំវិញដោយលោហៈធាតុ

Galaxy Note 8

Subscribe to Newsletter

Popular Posts

Advertisement

Featured Video

Elegant Themes

Popular Posts

Search This Blog

Blog Archive

Report Abuse

About Me

Services